رئيس التحرير/ عرفه الدالي
Booking.com

” كلام من القلب ” رافعة راسي

img
نسرين نبيل

رافعة راسي طول ما أسمي ويا أسمك
أسمي مصري وبجنسيتي بتباهي وأسمي
إنتي مصر رمز النصر
وحرب أكتوبر بتشهد حبيبتي وقت العصر
كيدتي العدا وأنتصرتي علي الصهاينة
أصل ماعندكيش مستحيل
يا سمرة يا اللي جمالك أيه بنهر النيل
يا بهية والأصل فيكي مأصل وأصيل
إنتي حبي وحياتي إنتي غايتي وفؤادي
علموني وأنا لسه صغيرة
بإن حبك زي دمي هو أصل حياتي يا أمي
ماما علمتني بإن حبك هو همي
وإن لما تزعلي أفديكي بروحي ودمي
ولما كبرت شوفت بعيوني
محمد ومينا بيفدوكي بحياتهم
واقفين زي الأسود متربصين علي الحدود
لأي عدو يحاول يجي عليكي يقطعوه
إنتي غالية أوي في حياتنا
والله أغلي من ولادنا
شوفنا فيكي أحلي أيام حياتنا
بس برضه شوفنا مر
كتير بنزهق ونسب فيكي
بس برضه بنعشق عنيكي
واللي يجي جنبك ندفنه ونخلي حياته مر
زي أمي إنتي أيوه زي أمي
مهما زعلت منها
لما أتخنق أحضن عيونها
وأجري عليها في عز همي
وأشتكي منها بس بموت فيها
ماهي هي أمي
ربي يحميكي يا بلدي من كل شر
ويحمي جيشك اللي واقف زي الصقر
وتفضلي في عيوني حلوة لأخر الدهر
 

تعليقات الفيس بوك

ضع تعليق باستخدام حساب الفيس بوك
Booking.com